Hilabetero antolatzen dute tailer bat, Gurasolagun egitasmoaren barruan, haurrek eta gurasoek elkarrekin parte hartzeko: jolasak, eskulanak, sukaldaritza...
Eta hurrengoa, maiatzaren 2an izango da; ohi bezala, Herri Eskolako areto nagusian egingo dute, arratsaldeko 16:45etan hasi eta 17:45etara arte. Bertan parte hartzeko, datorren astean zehar eman beharko da izena: Herri Eskolan edo AEKn.
Gurasoen txikitako jolasak, tailer honetako gaia
Saio honetan, jolasak izango dira tailerraren gaia, baina gurasoek hartuko dute protagonismoa. Izan ere, beraiek txikitan jolasten zituzten jolasak azaldu beharko dizkiete haurrei.
Hortaz, beraiek izango dira tailerraren dinamizatzaileak, eta beraien aportazioa ezinbestekoa izango da saioa aurrera eramateko, egitasmoaren antolatzaileek azaldu dutenez.