Hernanik Ohorezko Mailari eutsi nahi dio, azken jardunaldian Ciencias garaituta

Hernani errugbi elkarteak  seigarren urtez jarraian Oho­rezko Mailan jokatu nahi du, baina horretarako aurten­go denboraldi erregu­larreko az­ken jardunaldian mailari eu­tsi behar dio. Igandean Lan­daren, 12:00etan,  Cajasol Ci­en­­cias Sevillaren aurkako par­ti­duarekin denboraldiari ama­ie­ra ematea espero du. Hori litzateke seinalerik onena, mailari eutsi diola esan nahi­ko lukeelako.
Hernani bederatzigarren postuan dago sailkatua jar­dunaldi baten faltan. Igan­deko aurkaria hamabigarren dago eta dagoeneko maila gal­du du azken postua berea baita. Hamaikagarren sailka­tuak promozioa jokatu behar­ko du Ohorezko B Mailako azpitxapeldunaren aurka eta hernaniarrek postu hori eki­din nahi dute. Hamar­garren Bartzelona dago sailka­tua Hernani baino puntu bat gutxiagorekin eta hamaika­garren Getxo dago Hernani baino hiru puntu gutxia­gorekin. 

Bartzelona Gernikaren aurka eta Getxo Santboianaren aurka, etxetik kanpo
Beraz, Hernanik igandeko partidua irabaziz gero maila mantenduko luke. Galduz gero ere, posible da. Getxok igan­de­an galtzen badu edota Bartze­lonak galdu eta bonusik lor­tzen ez badu, nahiz eta Her­nanik ez irabazi Ohorezko Mailari eutsiko lioke. 
Getxok Santboinaren aurka jokatuko du Sant Boin eta Bartzelona Gernikaren aurka ariko da. Hiru taldeek ordu eta egun berean jokatuko dute. Aurkari zailagoak dira teorikoki Santboiana eta Gernika, baina hauek ere ez dute ezer jokoan sailkapen nagusian.
Cienciasek ez du ezer ere jokatzen, baina hernaniarrek ez dute konfidantzarik nahi. Polidori entrenatzailearen la­na izan da astean zehar igan­derako tentsioa manten­tzea.

Zaleei deialdia, eta betizua burduntzian 
Zaleen beharra ere egongo da eta hamaseigarren joka­la­ri­aren papera garrantzitsua izan­go da. Elkartetik dei egin dute hernaniarrak Landarera hurbildu daitezen taldea ani­matzera. 
Gainera betizu ederra jarriko dute burduntzian, eta goiz osoan zehar, pintxoak salgai egongo dira. Hernanik maila mantentzen badu bost­garren urtez jarraian lortuko luke Ohorezko Mailari eusteko balentria. Gainera, urte guzti horietan, lehenengo urtean baka­rrik jokatu zuen promo­zioa. Beste urte guztietan 10garren sailkatu da. 2012-2013 denbo­raldian maila nagusira buel­tatu zenetik 32, 41, 33 eta 38 puntu eskuratu ditu. Aurten oraingoz 30 daramatza.  

AUKERAK

• Hernanik Ciencias garaitzen baldin badu 9garren amaituko luke. Ohorezko Mailara bueltatu denetik postu hoberena.

• Hernani mantenduko litzateke Getxok galtzen badu, nahiz eta Cienciasen aurka partidua galdu. 

• Hernani mantenduko litzateke Bartzelonak galtzen baldin badu bonus punturik lortu gabe, nahiz eta Cienciasen aurkako igandeko partidua galdu. 

• Berdinketen kasuan Getxoren aurka  beraien arteko lehia edo goal average-a irabazia du, baina Bartzelonaren aurka ez. Hiru taldeen artean berdinketa balego Getxo izango litzateke talderik kaltetuena eta promozioa jolastuko lukeena.