Hernani Eskubaloi Taldeak «esperientzia aberasgarria» bizi izan du Andebolmanian

Hernani Eskubaloi Taldea itzuli da Portugaletik, Sào Joào da Madeiran, egin den Andebolmania 17. Eskubaloi To­paketatik eta esperientzia ezin hobea izan da klub­a­rentzat. «Gure hiru talde izan dira, bi infantil neskenak eta mutil kadeteena bat, eta lau egunetan 18 partida jokatu dituzte. Aurrean topa­tutako tal­deak maila desber­dinak zi­tuzten. Batzuk maila oso altua zuten, besteak berriz xu­me­agoa, baina kasu guzti­etan jo­katutako partidak inte­res­ga­rri­ak eta lehiatuak izan dira, badagoela nondik ikasi era­kusten duten horieta­ko­ak». 
Emaitzei dagokionez, kasu honetan garrantzitsuena izan ez arren, denetarik egon da; oro har neskek emaitza ho­be­ak lortu dituzte. 
Bigarren urtez segidan HETak antolatutako bidaia izan da hau, eta balorazio az­kar batean,  «esperientzia be­za­­la oso aberasgarria» izan dela diote taldeko buruek. «Zaletasuna sortzen duen horietakoa. Jatorri desberdi­ne­ko nes­ka­-mutilak kirol eta bizi­ki­de­tza topaketa batean, eskubaloiaz gozatzearekin ba­te­ra lagun berriak egiteko au­kera paregabea».

Hernaniren maskota, Azerigol, protagonista
Aurten, Hernaniko espedi­zioak, zaleen artean, bere mas­kota eraman du, Azerigol; Hernaniko Eskubaloi Talde­aren izena kanpoan ezaguta­raz­­teko eta harmaila giro­tze­ko egin duen lana aipatze­ko modukoa izan da. 
Portugaletik bueltan nekea nabaria bada ere, eskubaloia Her­naniko gazteen artean za­bal­tzen jarraitzeko pilak kar­gatu dituzte HETekoek. «Kluba garai batean eskubaloiak Her­nanin izan zuen garrantzia berreskuratzeko lanean da­rrai eta Andebolmania 17 horren adierazle ezin hobea izan dugu».
Topaketa pasa den asteko asteazkenean hasi zen eta lau egun iraun zituen. Lehen egunean kadete mutilek bi partiduak galdu zituzten eta nesken infantil B taldeak ere ez zuen garaipena lortzerik izan. «Bigarren egunera itxa­ron behar izan zen Hernani­ren garaipena ikuste­ko. Os­tegunean, neskek 17-16 irabazi zuten Lavadores Vigoren aurka». Ostiralean  lehiaketa beste fase batean sartu zen. Partiduak talde pareka­tu­agoen artean jokatu ziren. 

Diskofesta gaua ostegunean
Hala ere dena ez zen eskubaloia izan eta harrem­anak sendotu eta ongi pasa­tzeko beta ere izan zuten joka­lariek. «Ostegun gaua disko­festaren gaua izan zen. Iluna­barrean jaialdi haundi bat antolatu zen kiroldegi nagu­si­an: Portugalgo bigarren mai­lako ligako partidu bat eta on­do­ren ‘jaurtiketa lehiaketa’ aurtengo edizioko partaideen artean. Hor gure Axeria protagonistetako bat bilakatu zen». Kirol arloan, deneratik egon zen, bai garaipenak eta baita partidu galtzeak. Bi partidu jokatu zituen talde bakoitzak. 

Azken partiduak eta afaria larunbatean    
Larunbatean azken partiduak jokatu zituzten hiru taldeek. Mutil kadeteek gertu izan zu­ten lehen garaipena, baina ez zen posible izan. Neskek be­rriz bai ezagutu zuten beste ga­raipen bat. «Topaketari ama­i­era emateko jokalariek, gura­soek eta entrenatzaileek bate­ra afaria eduki genuen eta topaketari amaiera eman ge­nion». Aipatzekoa da Azeri­gol­ek antolakuntzaren oroiga­rri bat jaso zuela.