Zinea bueltan izango da Astigarragan, asteburu honetan. Eta oraingoan ere, marrazki bizidunetako filma da, ikusgai jarriko dutena: Printze Txikia. Arratsaldeko 17:00etan izango da, kultur etxean.
Filmak kontatzen du neskatxa baten eta bere bizilaguna den pilotu baten arteko istorioa. Pilotuak erakutsiko dio, aparteko mundu bat, Antoine de Saint-Exupéryren Printze Txikia liburuari esker ezagutu zuena berak. Emozioz betetako bidaia magikoa egingo du neskatxak, ulertaraziko diona garrantzitsuak direla giza harremanak.
Euskeraz jarriko dute larunbatean, eta 106 minutuko iraupena dauka filmak.
Sarrerak salgai, web orrian eta kultur etxean
Filma ikusteko sarrerak, dagoeneko salgai daude, ostiralera arte, Udalaren web orrian, www.astigarraga.eus; eta kultur etxean. 2 euro dira. Egunean bertan ere izango da sarrerak erosteko aukera, kultur etxean, arratsaldeko 16:00etatik aurrera.