Sei ibilgailu erreta atzo, enpresa bateko sutean

Sutea izan zen atzo goizal­de­an, Astigarragako enpresa ba­te­an; Zarkumendegitik gora dagoen Ekotrade enpresan, eraikuntzako hondakinen bir­ziklapenean aritzen dena.
Goizaldeko 05:00ak baino minutu batzuk lehenago piztu zen sua, eta ordubete be­randuago itzali zuten Donos­tiako suhil­tzaileek. Suteak, sei ibil­gailu kaltetu zituen: lau kamioi, atzerako hon­de­a­makina bat, eta remolke bat geratu ziren erreta.

Probokatua izan zela, Ertzaintzak daukan «hipotesi garbiena»
Ertzaintzak azaldu du, gerta­tutakoa ikertzen ari dela orain. Baina momentuz, dau­ka­ten «hipotesi garbiena» da, sutea probokatua edo eragindakoa izan zela, Kroni­kari jakinarazi diotenez.