Martxan jarri da, 11garrenez, Irakurri, Gozatu eta Oparitu ekimena, baina aurreneko aldia da, Goizueta eta Aranok ere parte hartuko dutela.
Euskaltzaleen Topaguneak eta Malerrekako Mankomunitateko eta Goizueta, Arano, Leitza eta Aresoko Euskara Zerbitzuek antolatu dute ekimena, euskeraz irakurtzeko zaletasuna sustatu nahian. Maiatzaren 31ra arte izanen da martxan, kanpaina.
Euskeraz irakurrita, Elkar dendarako txekea
Kanpainan parte hartzeko, goizuetar eta aranoarrek Leitzako liburutegian euskerazako libururen bat eskatu beharko dute, maileguan, etxerako; http://www.bibliotecaspublicas.es/leitza/index.jsp webgunean begiratu daiteke katalogoa, eta Goxali proiektuari esker, nahi den liburua eskatu daiteke 681 265 188 edo 948 510 840 telefonoetan, zuzenean Goxaliko begiraleei edo tmartinez@lagagizartezerbitzua.org helbide elektronikoan.
Irakurri ondoren, fitxa bat bete beharko da liburutegian, irakurritakoaren inguruko iritzia emanez. Horren truke, euskerazko liburu bat %35 merkeago erosteko aukera emanen da, eta gainera, apirila eta maiatzean, 30 euroko txekea zozketatuko da liburutegian fitxa bete dutenen artean.
Opari txekeak ekainaren 10era arte erabili ahal izanen dira.
Txekea gastatzeko, epe luzeagoa
Kanpainaren leloak dioen bezala, maileguan hartutako liburua Irakurri eta Gozatu ondoren, Oparitarako tartea izanen da.
Horretarako, gainera, epe luzeagoa izanen da. Hau da, opari txekeak maiatzaren 31ra arte lortu ahal izanen dira, baina gastatzeo ekainaren 10era arte izanen da aukera. Goizueta eta Aranoko irakurleek Hernaniko Elkar dendan erabili ahal izanen dute txekea.