2015eko apirilean hasi ziren Gibelalde Lizeagako auzo elkartearen eta RB3 Hirigintza Berrikuntza Integratua enpresaren arteko harremanak. Asmoa argi zuten: «auzoa hobetuko duen prozesu bat martxan jartzea, eta bloke arteko patioen bi espaziotatik hastea proposatu zuten», azaldu dute.
Eta helburu horrekin jo zuten hilabete beranduago Udalera. Bertan, «Udalak konpromisoa erakusten du eta prozesuaren irismena haunditzea eskatzen du. Talde teknikoari, etorkizuneko plangintzaren gidalerro bihurtuko den, auzoaren hobekuntza integrala definitzeko prozesu bat aurrera eramateko nahia adierazten dio».
Honek markatuko du, beraz, Lizeaga 3.0 prozesuaren hasiera, urtebete pasata, 2016ko ekainean, hasiko dena.
Prozesua, hiru fasetan
Orduan hasi zen hiru fasetako prozesua: ezagutza eta diagnostiko aurre fasea egin zen 2016ko ekaina eta iraila bitartean; parte-hartze fasea, urria eta abendua bitartean; eta ekintza fasea, urtarriletik aurrerakoa izan da.
Parte-hartze prozesua izan da erabakigarriena, herritarrekin batera egin dutena. Fase hori osatzeko lau tailer planteatu dira: diagnostiko tailerra, agertoki tailerra, ideien tailerra, eta diseinu tailerra.
Bertan bildutako informazio eta ideiekin, osatu du RB3 enpresak proposamen orokorra, Ideien tailerrean aurkeztutako proposamenekin, eta baita proposamen zehatza ere.
Auzo Plaza, eraldaketa hazia
Proiektu zehatza da, hain zuzen, Auzo Plaza, Lizeagako plaza nagusia, sortzearena; hori izango baita eraldaketaren hazia, Lizeaga 3.0rantz salto egiteko erabakigarria izango dena: «prozesuaren kalitate orokorra ikusita, txertatze fasea Auzo Plazaren egikaritzarekin ez bukatzea espero da, esku-hartze hau, egiaz, etengabekoa eta globala den auzoaren eraldatze- eta hobetze-ibilbide baten abiapuntua izatea baizik».
Auzo Plaza egi bihurtzeko, Udalaren eta auzotarren arteko elkarlana ezinbestekotzat jotzen da proiektuan.
RB3ren txostenaren, hainbat lan Udalak bakarrik egin beharko ditu: plazako parterreak, saneamendua, zoladurak eta zintarriak, kasu. Auzolanean ere, badaude eginbeharrak: murala eta kolore irlak egitea.
Bien arteko lana izango da, ordea, garrantzitsuena, prozesu osoan zehar egin dutena, eta etorkizunean egin beharrekoa, alegia.
PROPOSAMEN OROKORRA: 7 proposamen, 15 orientazio ildo
1. Ibilgailuen mugikortasuna.
- Aparkalekuen azterketaren sintesi eta dibulgazioa (egoilar txartelaren inkesta).
- ‘Autoa gutxiagi erabili, garajea gehiago erabili’ kanpainia.
- GI-2131 zirkuitu errepidea. Gipuzkoako Foru Aldundiarekin batera kudeatu eta diseinurako parte-hartze prozesua egin.
2. Garraio publikoa.
- Garraio publikoaren jardunaldi-ekintza (mugikortasun astearen barruan).
- Garraio publikoaren erabilera maialren eta irisgarritasunaren azterketa xehatua.
3. Espazio publikoak.
- Espazio publiko sistemaren diseinu eta kudeaketa esparru plana (lehentasunak eta erabilera banaketak).
- Espazio publikoaren diseinurako parte-hartze prozesuak.
4. Lokal hutsak.
- Lokal hutsen Mobilizazio Plana.
- Lokal hutsen itxitura iragankorren diseinu lehiaketa.
5. Etxebizitzen irisgarritasuna.
- Etxebizitzen irisgarritasun Plana eta Komunitateen Protokoloa.
- Informazio eta sentsibilizazio plana.
6. Kultura eta parte-hartzea.
- Kultura, ekonomia, jolas eta gizarte jardueren Koordinazio Plana.
- Jarduera Asoziatiboaren Sustatze Plana.
7. Papelera.
- Isurketen Neurketa Protokoloa eta emaitzen zabaltzea.
- Jarraipen udal batzordea.