Hernaniko Sagar Moreak asanblada feministak antolatuta, afari feminista izango da hurrengo larunbatean, gaueko 21:00etan. Menu beganoa izango da, eta dagoeneko salgai daude txartelak Garin eta Kide tabernetan; astelehenera arte erosi ahal izango dira. Horrez gain, jakinarazi dute txartela erosteko arazoak dituztenak beraiekin harremanetan jarri daitezkeela: hernanikotxokofeminista@gmail.com. Horrez gain, afaria baino lehen, txotx denboraldiko azkeneko kale ekintza egingo dute, arratsaldeko 19:00etan.