Baso Eskola martxan, Langileko ikasleekin

Hilabete luzez, ia urtebetez, lanean aritu ondoren, dagoe­neko jarri dute martxan Kutxa Ekoguneako Baso Eskolako pro­iektu pilo­toa. Eta bertan izango dira, aurretik Kronikak iragarri bezala, Langile ikas­tolako Haur Hezkuntzako zen­bait neska-mutil, hain zuzen, 3 eta 6 urte bitartekoak.

Natura, hezkuntza-baliabide garrantzitsuena
Kutxa Ekoguneak azaldu duen bezala, «ikasleei beraien gara­pen sozial, emozional eta ko­gni­tiborako erremintak horni­tzeko metodoak garatzea da helburua txiki-txikitatik», eta bide horretan, sustatu dute sistema hau Eusko Jaurla­ritza, Euskal Herriko Uniber­tsi­­tatea eta Hernaniko Langile eta Donostiako Amara Berri ikastolekin elkarlanean. 
Horrela, bada, «neska-mu­tilek ingurune naturalean ga­ra­tuko dituzte ‘eskolak’, eta ez ikasgela barruan». Dena den, argitu dute: «beste ikastetxe ba­tzuetan bezala, curriculum ofiziala garatuko da, eta natu­rak hezkuntza-edukiak jorra­tze­ko baliabide didaktikoak es­kainiko ditu. Izan ere, na­tu­ra bera izango da hez­kun­tza­-baliabiderik garrantzitsuena».
Gainera, azaldu dute, «jo­las askea» izango dela «ikas­teko metodologia nagu­sia, ho­ri baita neska-mutilen ikaste­ko metodo naturala». Horrela, «ikasleek norekin eta non jo­lastu erabakiko dute, elkarre­kin harremanetan jarriz eta jarduerak eta jolasak asma­tuz». Horrez gain, metodologia honik esker, «ikasleek natura ikertu eta modu autonomoan eta askean komunikatuko di­ra elkarrekin; horrela, jardu­ten ikasten dute, benetako espe­rien­tziak bizitzen dituzten bi­tar­­te­an».

Langile ikastolako ikasleak, aurreneko bisitariak
Martxoan eman zituzten au­rreneko pausu praktikoak Ku­txa Ekoguneako lursailetan, eta Langile ikastolako 60 nes­ka-mutil izan dira aurreneko bisitariak: «hiru taldetan ba­natuta, hiru egunetan zehar garatu dute programa», azaldu dute Kutxa Ekoguneatik.
Horren ondoren, ebaluazio txiki bat egin dute irakasleek, eta esperientzia positibotzat jo dute: «merezi du proiektuaren alde apustua egiteak; ikasleak oso kontentu daude, itzultzeko irrikan, eta gainera, aldaketa nabarmena da dagoeneko, oraindik oso denbora gutxi igaro bada ere».
Eta bueltatuko dira, noski; oraingoz, maiatzean itzuliko dira Langile ikastolako ikasle–ak, baina ideia da urriaren 1etik aurrera, eta ikasturte amaierara arte, ikastetxe ba­koi­­tze­ko 2 ikasle-talde progra­ma garatzen hastea. 
Horretarako, bai Langile eta baita Amara Berrik ere, Her­nani eta Donostiako Udalen la­gun­tza jasoko dutela jakina­razi du Kutxa Ekoguneak. La­guntza hori garraio-gastuak estaltzeko izango litzateke, eta etorkizunean ere «proiektua­rekin lankidetzan jarduteko bideak aztertzeko interesa ager­tu dute» bi Udalek.

Langile ikastolako 60 neska-mutil izan dira Baso Eskolako aurreneko bisitariak.

Lursaila, egokituta
Erakundeak berak adierazi due­nez, «Kutxa Ekoguneak gu­nea egokitu eta bi ganadu-txa­bola, aterpe bihurtu ditu, zu­hai­tzak saneatuz; eta ikas­te­txeen eskura bi hezitzaile ja­rriz: naturaren eta inguru­men-hezkuntzaren inguruko ezagutzak partekatuko dituen biologo bat, eta laster Edinbur­gotik iritsiko den beste bat, lau urtez baso eskola batean lan egiten aritu dena».

Etorkizuna, proiektu pilotuaren baitan
Dena den, orain hasi duten es­perientzia proiektu pilotua bes­terik ez da, eta ondoren, «emai­tza positiboak eskaintzen badi­tu, hark eredu gisa balioko du naturan oinarritutako meto­dologia hori beste ikastetxe batzuetara hedatzeko», argitu dute.