DBHko eraikinerako partzelak, «urbanizazio arazoak»

Martxoaren 30ean bildu zen udaletxean, DBHko erai­kinaren inguruko aurreneko batzordea, EAJ-PNVko udal gobernu taldeak jakinarazi duenez.«Helburua izan zen aztertzea ekonomikoki bi­de­ra­garria ote den lurrak eros­tea, herrian De­rri­gorrez­ko Bi­ga­rren Hezkun­tza­ko zen­troa erai­kitzeko. Bileran, in­for­me tek­nikoak ere aurkeztu zi­ren, lur eremu horrek dauz­kan be­har eta arazoen ingurukoa».

Hainbat arazo
DBHko zentroa eraikitzeko, «egungo udal gobernu tal­de­ak Plan Orokorraren molda­ke­ta puntuala jaso zuen oi­nor­detzan», EAJ-PNVk azaldu duenez; «Mendiandi-Anibar inguruko lur eremu hau, lur hirigarri egoerara moldatu beharra».
Eremu honek ordea, «hor­nikuntzei dagokienez hainbat arazo dauzka: ur-horniketa, euri uren eta ur beltzen eba­kua­zioa, eta tentsio bajuko energia elektrikoaren horni­keta. Gainera, ez dauka  obra egi­teko beharrezkoa den  era­bilera publikoko biderik».
Arazo haundiena energia elektrikoaren horniketak sor­tzen dituela azaldu du EAJ-PNVk. Izan ere, lur eremu ho­rretan dagoen 30kB-ko dorrea mu­gitu egin beharko litza­te­ke, lur azpiratzeak 1.000.000 euro baino gehiago balio baitu. Horregatik, Iberdro­la­re­kin harremanetan dagoela azaldu du.

Batzordean bildutako informazio guztia Eusko Jaurlaritzako Hezkuntza Saialari helaraztea erabaki da.

Bi aukera
Arazoa konpontzeko bi au­ke­ra aztertzen ari da Udala; do­rre elektrikoa mugitzea, edo mu­gitzeaz gain, Anuskako za­tia lur azpira eramatea. «Zati bat bakarrik lur azpiratzea garestiagoa bada ere, Udalak uste du aukera onena dela, dorre elektrikoa mugitzeak auzoan eragina izango due­la­ko eta gainera, bizilagun guz­ti­en baimena lortu beharko litzatekeelako».
Bestalde, irismen arazoa konpontzeko, Plan Oroko­rre­an Txoritokieta Bidea au­rrei­kus­ten da, hilerritik barre­na, bai­na aukera zaila dela uste du EAJ-PNVko udal go­ber­nu tal­deak, eta Kale Na­gu­sitik sar­bidea behar lu­ke­ela uste du.

Informazio guztia, Hezkuntza Sailaren esku
Traba izan daitezkeen arazo horiek denak medio, batzor­dean bildutako informazio guztia Eusko Jaurlaritzako Hezkuntza Sailari helaraztea erabaki da.
«EAJ-PNVko udal gobernua ados dago EH Bilduren au­rre­ko gobernuarekin; Astigarra­ga­ko DBH eraikitzeko eremu egokiena horixe da. Baina ez dakigu ekonomikoki zein era­gin izango duen lur eremu hori erosteak, eta informazio hori beharrezkoa da».