Donostia Hiria Nazioarteko Piano txapelketa izan zen martxoaren bukaeran Donostiako Musikenen. Bertan parte hartu zuten, hain zuzen, Europa osotik etorritako 65 pianojolek, tartean, bost hernaniarrek.
Joseba Korta, sariduna
Hernani Musika Eskola publikoaren eskutik hartu zuten parte hernaniarrek, eta beraien maila ona erakusteko aukera izan zuten. Bi mailatako pianojoleak joan ziren Hernanitik: oinarrizko 1go kategoriako, Sara Andrés, Malen Arregi eta Unai Estevez; eta 2garren kategoriako, June Jiménez eta Joseba Korta.
Azken hau, Joseba Korta, izan zen, hain zuzen Hernaniko saridun bakarra: 2garren aipamena lortu zuen, baita gipuzkoar hoberenak jasotzen duen Enrique Lartuondo saria, eta gomendiozko obren interpretazio onenarena ere.
Sara Andrés, Malen Arregi, Unai Estevez, June Jiménez eta Joseba Korta izan ziren bertan.
Sei herrialdetatik, Musikenera
Martxoaren 25 eta 26an elkartu ziren Europako sei herrialdetatik etorritako 65 pianojoleak; hain zuzen, Alemaniako, Austriako, Serbiako, Eslovakiako, Portugalgo, eta Espainiako partaideak izan ziren Euskal Herriko goi-mailako musika ikastegian.
Hogeigarren edizio honek, «egiaztatutako kalitatezko emakume konpositoreen obrak erakutsi nahi izan ditu, baldintza historikoengatik kontzertuen errepertorioan sartu ez direnak», azaldu dute ‘Hernani’ Musika Eskolako arduradunek. yy