Plenoa egingo dute datorren asteazkenean, Astigarragako Udalean. Eguerdiko 13:30etan izango da, udaletxeko areto nagusian, eta bederatzi puntuko gai ordena landuko dute.
Akta onartu ondoren, Zarkumendegi Zabalpena eremuaren aldaketa egitea aztertuko dute, eta segidan, berdintasunaren inguruan lan talde tekniko bat osatzea, sail ezberdinen artekoa.
2016 ekitaldiko likidazioaren onarpenaren berri emango dute gero, eta kontuhartzailearen komunikazio baten berri ere bai.
Sei etxebizitza eta 450 metro karratuko lokal baten titulartasuna eskuratzeari buruz ere ariko dira plenoan, eta bukatzeko, bi ikerketa espedienteren ebazpena emango dute: Goikoetxe eta Bortoene baserrien inguruko herri bideena, eta landalurreko 9garren partzelarena.