Sendotzen ari da azken urteotan Hernaniko Eskubaloi Taldea, eta horren erakusle da, besteak beste, gaur abiatuko duten bidaia. Iaz egin zuten bezala, Portugalera abiatuko dira goizeko 08:00ak aldera, eta bertan jokatuko dute Andelbolmania 17 topaketa Sào Jào da Madeira herrian.
Nesken bi talde, eta mutilen bakarra
Hernani Eskubaloi Taldearen ordezkaritzaren barruan izango dira hiru talde: infantil mailako nesken bi talde, eta mutil kadeteen bakarra. Denera, 53 jokalari izango dira bertan, bederatzi entrenatzaile/begiralez lagunduta.
«Aurreko denboraldiko bizipen oparoak eta gure jokalariek erakutsitako jarrerak, HETekoak Sào Joào da Madeirara bidaliko duten ordezkaritza haunditzera animatu ditu», azaldu du taldeak.
Horrez gain, jarraitzaileek ere ez dute hutsik egingo, Portugalera bidaiatuko dute taldea animatzera.
Portugalera, mugak gainditzera
Topaketara «mugak gainditzera» dijoaztela azaldu dute Hernani Eskubaloi Taldeko arduradunek. Horrela erakutsi nahi dute «kirola beste modu batean uler daitekeela: non parte hartzea, lehia eta kiroltasuna eskutik doazen».
Horrez gain, taldekide eta entrenatzaileek garrantzia haundia ematen diote horrelakoetan parte hartzeari bi arrazoiengatik: «alde batetik, elkarbizitzarako aukera ezin hobea delako; eta bestetik, beste herrialdeetan kirol hau jokatzeko modu desberdinak ikusteko aukera ematen duelako».