Atawafok elkarte sortu berria aurreneko pausuak ematen ari da, eta bide horretan, bi ekintza antolatu ditu aste honetarako.
Ostiralean hitzaldia eskainiko dute Sandiusterrin, arratsaldez, eta larunbatean, bazkaria eta kontzertua izango dira Atsegindegin, eguerditik aurrera.
Hitzaldia, integrazioaren inguruan
Ostiralean izango da aurrenekoa; hitzaldia eskainiko dute Etorkinak eta gizarteratzeko oztopoak gaiaren inguruan. 16:00etan jarri dute zita, Sandiusterriko aretoan.
Menua eskainiko dute larunbatean, 5 euroren truke.
Bazkaria eta kontzertua, larunbatean
Baina larunbatean izango da festa haundia, Atsegindegin. Bertan, Atawafok elkarte marokoarreko kideek antolatuta, bazkari bereziaz gozatzeko aukera izango da, 14:00etatik aurrera. 5 euroren truke, hiru platerez osatutako menua dastatu ahal izango da: lehenengo, pintxo euskaldunak; ondoren, nazioarteko entsalada bat; eta bukatzeko, plater marokoarra, pajin edo haragia mahaspasekin.
Bazkalondoren hasiko da musika, leku berean.