Asteazkenean bukatu zituzten emanaldiak, Goiz Eguzki abesbatzaren 10garren urteurrena ospatzeko; eta denborarik galdu gabe, Elizondora irteera egin zuten ostiralean, jubilatuen egoitzako hainbat kidek.
Ba dagoeneko prestatu dute beste bat ere; eta egun bakarrekoa ez, bi egunekoa izango da oraingoa! Jacara joango dira, maiatzaren 12an eta 13an; ostiralean joan eta larunbatean bueltatu. Eta ezagutzeko aukera izango dute, Jaca hiria bera, eta baita inguruak ere. Izan ere, bi egun horietan bisitatuko dituzte Tena bailara, Formigal, Panticosa, eta Canfranc herria eta bere tren geltoki ezaguna.
Apuntatzeko, apirilaren 19tik
Joan nahi dutenek, hurrengo asteazkenetik aurrera izango dute izena emateko aukera; apirilaren 19tik. Goiz Eguzkiko bulegoan egin behar da, ohiko bulegoko ordutegian.