Bikain aritu dira Elizondoko Txapelketan, Jon Jara eta Unai Etxarri pelotari hernaniarrak; eta finala jokatuko dute gaur, 10:00etan Amaiurren, infantil mailan. Urruzola eta Uria bikote andoaindarra izango dute aurrean, eta partidu berdindua espero da; hori bai, sasoi onean dira hernaniarrak, eta bere maila ematen badute, aukera ederra daukate irabazteko, eta txapelak Hernanira ekartzeko.