Bigarren eskuko azoka jarriko da gaur, 10:30etatik 13:30etara, Urbieta kalean, eta atal berezi bat izango du: bigarren eskuko bizikleta azoka. Horrekin, mugikortasun jasangarria sustatu nahi dute antolatzaileek.
Bizikleta, kasko, patin eta abar luze bat
Bizikletez gain, mugikortasun jasangarriarekin zerikusia duten bestelakoak ere izango dira gaur azokan: kaskoak, patinak, patineteak... Eta erosteaz gain, saltzeko aukera ere izango da.
Horretarako, saldu nahi diren bizikleta eta gainontzeko osagarriak Urbieta kalean bertan jarriko den gordailura eraman beharko dira, 09:00etatik 10:30etarako tartean, adieraziz, zein preziotan saldu nahi den; beti ere, 300 eurotik behera. Azoka bukatuta, berriro pasa beharko da bertatik, norberari dagokiona jasotzera.