Ederra bezain jendetsua izan zen, larunbatean, Nafarroako Haur Kantari Jaialdia, Lesakan. Gustora atera ziren Harriondoa kultur etxetik, abeslari, musikari eta ikusleak.
Egin zuten lanarekin pozik bukatu zuten, haur eta gaztetxo aranoar eta goizuetarrek ere.
500 ikusle baino gehiagoren aurrean, Esne Beltzaren Gogoak abestu zuten hamabi aranoarrek, Jon Mari Beasain ereñotzuarraren laguntzaz.
Goizuetar gaztetxoenek, berriz, Alaitz eta Maiderren Amets bat eskaini zuten; eta helduagoek, Hesian taldearen Agortu dira hitzak. Guztiek ere, ederki!