Pasa den asteburuan atleta hernaniarrek lan bikaina egin zuten berriro ere, eta dagoeneko podiumetara igotzen ohituta dauden hiru korrikalarik marka bikainak egin zituzten. Batetik, Gipuzkoako Eskolartekoan, Amaiur Velez alebinak urrea irabazi zuen 500 metro lisoetan, eta brontzea, 60 metro hesietan. Bestetik, Donostiako maratoi erdian, Hoki Guerrerok bigarren postuan bukatu zituen 10 kilometroak, eta Eva Esnaolak, hirugarrenean.