Hitzarmena sinatu dute Udalak eta Behemendik, adinekoei garraio zerbitzua emateko

Adinekoak herrigunera ger­tu­ratzeko, eta zerbitzu sozia­letara iristeko aukera izan dezaten, garraio zerbitzua eskaintzen dute herrian. Eta zerbitzu hori aurrera era­ma­teko, hitzarmena sinatu zu­ten ostegunean, Gabriel Ze­laia eraikinean, Behemendik eta Buruntzaldeako hiru uda­lek: Hernanikoak, Urnie­ta­koak eta Andoaingoak.
«Bederatzi edo hamar urte daramazkigu zerbitzu ho­ne­kin», azaldu zuten: «azter­ke­ta bat egin genuen nekazal guneetan, eta konturatu gi­nen, baserrietan bizi direnen adin batazbestekoa 10 urte zaharragoa dela, eta gutxi­e­nez bakoitzean badagoela adineko bat. Eta ikusi genu­en, ez zirela zerbitzu sozia­letara etortzen. Horregatik, distantzia hori murrizteko asmoz, jarri genuen mar­txan garraio zerbitzua, fur­go­neta batekin».

Doako zerbitzua, telefonoz
Udalekin elkarlanean ema­ten dute zerbitzua: Behe­men­dik furgoneta jartzen du, eta udalek gastuak bere gain hartu. Baina doakoa da zerbitzua, eta telefonoz dei­tu­ta eskatu behar da; ahal dela, bi egun lehenago.
Azaldu zuten, gainera, furgonetako gidaria ez dela txofer hutsa: «laguntzailea ere bada, eta behar bezala pres­tatuta dago».