Gospela gaur, bi abesbatza eta jazz hirukotearekin

Kontzertu berezia prestatu dute gaurko Kantuz eta ‘Hernani’ Musika Eskolako Dakapo abes­ba­tzak; iluntzeko 20:00etan, bel­tzen musika espiritualarekin eta gos­pel doinuekin osatutako erre­per­torioa kantatuko dute Mi­la­grosan, David Cid Jazz Hirukotea osatzen duten David Cid piano-jolearekin, Rakel Arbeloa bateria-jolearekin eta Nacho Fombuena baju-jolearekin batean.
Aurrena, Dakapok abestuko du; gero, jazz hirukotea ariko da; Kantuz, segidan; eta denak elkarrekin, bukatzeko.

Afrikako doinu herrikoiak eta zurien Ebanjelioko kantuak
Espiritual beltza eta gospel mu­sika interpretatuko dituzte gaur. Hauek sortu ziren na­has­keta ba­tetik: Afrikako bel­tzen musika he­rri­koia eta haren sinkopazio­ra­ko joera, eta Estatu Batuetan esklabu ari­tu­tako beltzei artzain eban­je­listek era­kutsitako doinu eliz­ko­iak na­hastetik, hain zuzen.