Hernaniko kaleak dantzarien erreinu, asteburuan

San Joan konpartsak buka­e­ra borobila emango dio, as­te­­bu­ru honetan, Dantzari Fes­ta­ri, aste osoan zehar ba­se­rritar jantzien inguruko era­kusketa eta hitzaldia an­to­latu ondoren: Euskal Herri osoko hainbat txokotatik etorritako dantzariak bil­du­ko dira herrian.
Gaur gaztetxoenak, goiz eta arratsalde; eta bihar goi­ze­an, helduenak.

Ttarlakoak, aurrena
Asteburuari hasiera ema­te­ko, Hernaniko Ttarla dantza taldeko dantzari txikienak aterako dira kalera, goizeko 11:30etan, Kaxkoan barrena.
Arratsaldeko 17:00etan ha­si­ta, berriz, Ttarla eta Gi­puz­­ko­ako beste 8 dantza tal­dek emanaldia eskainiko dute er­digunean: Añorgako Ar­kaitz, Astigarragako Astigar, Doni­ba­ne Lohitzuneko Be­gi­ra­leak, Urnietako Egape, Erren­te­ri­a­ko Ereintza, Do­nos­­tiako Es­ko­la eta Trebeska eta Irungo Ibar­la-Meaka tal­deek. Hasi­e­ran, ber­tso­lariak, irrin­tzi­la­ri­ak eta  Mu­sika Es­kolako txa­la­­par­ta­ri­ak izango dituzte la­gun, eta bu­ka­eran, 19:00etan, erro­me­ria izango da Plaza Berrin.

Egun haundia, biharkoa
Dantzari Festa borobiltzeko berriz, Gipuzkoa, Araba, Biz­kaia, Nafarroa Garaia, Nafa­rroa Beherea, Lapurdi eta Zuberoako 18 talde, kalean dantzan ariko dira bihar. Eguerdiko 13:15etan Plazan egingo dute ekitaldia, eta bazkalondorenean errome­ria eta omenaldiarekin bu­katuko dute.