Aste Santuko ospakizunei hasiera emango zaie bihar Urumea bailaran, Erramu Egunarekin.
Erramu bedeinkapena
Ereñotzuko San Antonio elizan 10:00etan izango da bihar, erramuak bedeinkatzeko aukera.
Goizuetan, berriz, 11:30etan Magdalenan egingo dira bedeinkazioak, eta prozesioa egingo da segidan, eliza nagusira, 12:00etako mezarako.
Hurrena, asteazkenean
Goizuetan asteazkenean segiko dute ospakizunekin; 18:00etan eta 21:00etan Penitentziako sakramentuaren eginkizunak izango dira, eta baita Ostegun Santuan ere, 08:00etan. Ondoren, 19:00etan, azken afaria izango da. Ostiral Santuan, berriz, 08:00etan berriro ere Penitentziako sakramentuaren eginkizuna izango da, eta 19:00etan, Nekaldia eta Heriotza.
Ereñotzun eta Aranon, Ostegun Santuan
Ereñotzun eta Aranon, bestalde, Ostegun Santuan izango dituzte hurrengo zitak. Ereñotzun, Ostegun Santuan Jaunaren afariko meza egingo da 18:00etan, eta Ostiral Santuan, meza izango da 09:00etan, eta Pasio ospakizuneko meza, 18:00etan.
Aranon, Ostegun eta Ostiral Santuan, 11:00etan aitortza eta 17:00etan elizkizuna izango dira.
Larunbat Santua eta Pazko Igandea, azkenak
Azken zitak hurrengo asteburuan izango dira.
Larunbat Santuan, Pazko elizkizuna izango da Goizuetan 11:00etan, eta Pazko Gaubeilak Ereñotzun 19:00etan eta Aranon 21:00etan.
Pazko Igandean, berriz, 10:00etan egingo dira mezak Aranon eta Ereñotzun, eta 12:00etan Goizuetan.