Final haundia dute gaurkoa, Donostiako Gaska frontoian, Amaia Irazustabarrena eta Ariane Arrieta palista hernaniarrek. Gipuzkoako Trinkete Txapelketan, 1go mailako txapela janzteko lehian arituko dira, arratsaldeko 19:30etan hasita. Aurrean, Su-Berri taldeko bikotea izango dute; Otaegi, Maiza eta Mendizabal hirukotetik bi, hain zuzen ere.
Finalera iristeko, ligaxkako bi partiduak irabazi zituzten hernaniarrek: Su-Berriri 30-21 (Otaegik eta Maizak jokatu zuten hori); eta Hernaniko beste bikoteari, Maider Huizi eta Amaia Araiztegiri, 30-12. Beraz, Irazustabarrena eta Arrieta aterako dira faborito.
Beste pala partidu bat ere izango da gaur, 20:15etan Hernaniko kiroldegian. Infantil mailakoak ariko dira, Gipuzkoako Txapelketaren barruan: Hernani A, Intxurre 2 taldearen kontra.