Mahaingurua, bazkaria, bingoa eta txupinazoa bihar, gazteen eskutik, festak hasteko

Goizuetako Amabirjin jaiak bihar hasiko dira Gazte egunarekin. Eta goiz ekingo diote jaiari. Goizeko 08:00e­tatik aurrera, aurorak izango dira herrian zehar eta ondoren, mahaingurua gaztetxean, gazte bazkaria, bingoa eta gazte txupinazoa, besteak beste.

Jaiak, abuztuaren 18ra arte luzatuko dira, hau da, ostegunera arte, eta egunero izango da zertaz gozatu.

Igandean Amabirjin bezpera izango da eta 12:00etan itxaferoa botako dute udale­txeko balkoitik, jaiei hasiera ofiziala emateko. Hurrengo egunetan, Amabirjin eguna, Emakumeen eguna, Sagardo eguna eta Ezkondu eta Umore-Ona peñaren eguna izango dira.

EGITARAUA

Abuztuak 13, larunbata Gazte eguna:

• 08:00etan, aurorak herrian zehar Umore-Ona koruaren eskutik.
• 11:30etan, mahaingurua gaztetxean: aisialdia eta jai herrikoiak.
• Ondoren, herriko trikitilariak.
• 14:30etan, gazte bazkaria.
• Ondoren, gazte bingoa.
• 20:00etan, gazte txupinazoa gaztetxean.
• Ondoren, batukada.
• 00:00etan, dantzaldia Gabezin taldearekin.

Abuztuak 14, igandea Amabirjin bezpera:

• 08:00etan, entzierroa Laturgo zezenekin.
• 12:00etan, Udaletxeko balkoitik jaiei hasiera emango dien itxaferoa botako da.
• Ondoren, trikitilariak erraldoi eta buruhaundiekin, kaleetan barrena.
• Euskal presoen aldeko brindisa txoznan.
• 16:30etan, haurrentzat sorpresa.
• 18:00etan, Lasturgo zezenak.
• 19:30etan, Umore-Ona peñaren irteera Igandea txarangarekin.
• 00:00etan, dantzaldia Laiotz taldearekin.
• Ondoren, Igandea txaranga.

Abuztuak 15, astelehena Amabirjin eguna:

• 07:00etan, Tolosako dultzaineroekin diana.
• 08:00etan, entzierroa.
• 10:30etan, Meza Nagusia eta ohiko prozesioa Amabirjinarekin.
• 12:00etan, trikitilariak erraldoi eta buruhaundiekin, kaleetan barrena.
• 12:30etan, lehenengo mailako afizionatuen arteko pelota partidua.
• 13:30etan, Igandea txarangaren irteera ikastolako tabernatik.
• 18:00etan, Lasturgo zezenak.
• 19:30etan, bertso saioa: M. Lujanbio, X. Silveira, S. Lizaso eta A. Arzallus. Gai jartzailea: X. Legarreta.
• 22:00etan, euskal presoen aldeko afaria Umore-Ona Elkartean.
• 01:00etan, euskal presoen aldeko kalejira plazatik.
• 00:00etan, dantzaldia Laiotzekin.
• Ondoren, Igandea txaranga.

Abuztuak 16, asteartea Emakumeen eguna:

• 10:00etan, txaranga erraldoi eta buruhaundiekin.
• 11:00etatik 14:00etara, puzgarriak eta elastikoak eskolan.
• 12:30etan, pelota partidu xelebreak.
• 14:00etan, bazkaria herriko bertsolariekin, ikastolan.
• 16:00etatik 18:00etara, puzgarriak eta elastikoak, eskolan. Bertan, napolitanak banatuko dira.
• 19:00etan, Umore-Ona dantza taldearen emanaldia plazan (eguraldi txarrarekin, goiko frontoian).
• 22:00etatik 02:00etara, dantzaldia Dantzaldi taldearekin.
• Ondoren, Igandea txaranga.
• 01:00etatik 03:00etara, karaokea gaztetxean.

Abuztuak 17, asteazkena Sagardo eguna:

• 11:30etan, toka txapelketa heldu eta haurrentzat.
• 12:00etan, Gipuzkoako eta Nafarroako sagardogile onenekin sagardo probaketa, plazan.
• 16:00etan, VIII. Mus Txapelketa Iskibin.
• 18:00etan, Lasturgo zezenak.
• 19:30etan, Aspe enpresako pelotari profesionalen arteko pelota partidua.
• 4 eta erdiaren barrenean eta profesionalak.
• 22:00etatik 02:00etara, dantzaldia Bide Batez taldearekin.

Abuztuak 18, osteguna Ezkondu eta Umore-Ona peñaren eguna:

• 12:30etan, 2 pelota partidu: -4 eta erdiaren barrenean, lehendabiziko mailako afizionatuak. -Goizueta Aranoren aurka.
• Ondoren, Igandea txaranga.
• 15:00etan, Umore-Ona peñaren bazkaria.
• 17:00ak aldera, peñaren kalejira kalez-kale, Igandea txarangarekin.
• Ondoren, Lasturgo zezenak.
• Ondoren, dantzaldia Haitzamarekin.
• 00:00etan, Udaletxe aurrean, Amabirjinei bukaera ofiziala.
• Ondoren, dantzaldia Haitzamarekin.
• Ondoren, Igandea txaranga.
• 00:30etan, kontzertua gaztetxean.