Autobus eta tren zerbitzu bereziak, Donostiako jaietara joan-etorria egiteko

Larunbatetik aurrera, As­­te Nagusiari ekingo diote donostiarrek. Abuztuaren 20ra bitarte, makina bat ekin­tza eta kontzertu izango dira eta urtero bezala, hernaniar mordoxka gerturatuko da ber­tara. Hori horrela, autobus eta tren zerbi­tzu bereziak izango dira Donostiara joan-etorria egiteko. Besteak beste, gaueko zerbitzua es­kai­niko dute autobus urdin eta gorriek, eta Renfek.

Autobus urdinetan,
aukera zabala
Garayar konpainiako autobus urdinekin Donostiara joateko, 15 minuturo izango dira autobusak, goizeko 02:00ak arte (Ur­nie­tatik aterako da 22:15e­­tatik aurrera). 02:00etatik 06:00ak arte, berriz, ordubetero izango da autobusa. Aieteko lineako autobusa izango da.
Donostiatik Herna­nira eta Urnietara itzultzeko ere, 15 minuturo izango da autobusa 02:30ak arte. Eta ordu horretatik aurrera, 06:30ak bitartean,  ordubetero.
Irteera lekuari dagokionez, Donostian aldatu egingo da. 21:30etatik 00:15ak arte, San Bart­olome kaletik aterako da autobusa (Haway); 00:30etatik aurrera, berriz, Okendo kaletik.
Horrez gain, larunbatean, igandean eta astelehenean, as­teburua eta Amabirjin egu­­na izaki, zerbitzua zabalagoa izango da, bai Herna­nitik Donostiara, eta baita Donos­tiatik Hernanira ere. Orduer­diro izango dira auto­busak, 02:00etatik aurrera.

Autobus gorriak, orduro, gauean zehar
Areizaga konpainiako autobus gorriek, Aste Nagusiak iraun bitartean, eguneko zerbitzuak zabalduko ditu. A1 lineako autobusa, hau da, Her­nani-Astigarraga-Martu­tene-Donostia, 22:15, 22:30 eta 22:45etan ere egingo ditu irteerak eta Donos­tiatik itzul­tzeko, 01:00ak arte egon­­go dira eguneko autobusak.
Horrez gain, gaueko zerbitzua egongo da. Herna­nitik Donostiara joateko, orduro izango dira autobusak, 23:00etatik 06:00etara, eta Donostiatik itzultzeko ere orduro izango dira, 23:30etatik 05:30etara.
Bestalde, jakinarazi dute, Aste Nagusian, A1 eta A2 li­nee­tan, Urbieta kaleko paradarik ez dela izango 21:30e­tatik 00:00etara.

Trenez ere, aukera
Trenez ere izango da Donos­tiara joan-etorria egiteko auke­ra. Joateko, azken trena, 22:56etan abiatuko da Her­na­nitik. Donostiatik buelta­tzeko, berriz, gaueko azken trena 23:30etan izango da eta ordu horretatik aurrera, gaue­ko zerbitzuak honakoak izango dira: 00:15, 01:15, 02:50, 03:50 eta 04:50. Goize­ko lehenengo trena 06:35etan abiatuko da.

Larunbatetik aurrera, festa
Aurrez esan bezala, Donos­tiako Aste Nagusia larunbatean hasiko da; egitarau ofizialaren kasuan, 19:00etan, kanoikadarekin, eta piraten kasuan, 22:00etan, txupinazoarekin. Bien kasuan, ekintza eta kon­tzertu ugari izango dira.
Egitarau ofizialaren ba­rruan, ez dira faltako, su artifizialak, umeentzako jo­la­sak eta tailerrak, kirolak, antzerkiak, ber­tsolariak... eta kontzertuak. Gose, Marta San­chez, Berri Txarrak, Def con dos, Su ta gar, Esne Beltza, Zea mays, Melendi eta Celtas cortos izango dira, besteak beste.
Piratek, bederatzi eguneko festa antolatu dute, ohi bezala, egun bat luzatuta. Abuztuaren 21ean bukatuko dute Aste Nagusia, Irrikital­diarekin. Aurretik izango dira, txupinazoa, erromeria eguna, gazte eguna eta abordatzea, umeen eguna, jolasen eguna, folkeguna, koadrilen eguna eta atseden eguna. Kontzertuei dagokienean, izango dira, Bongo Botrako, Reincidentes, Ska­keitan, Gaueko itzalak...