Prest dira Goizuetan, umeek atzo jarritako giroari eusteko

Goizuetako Amabirjin jaiak larunbatean hasiko dira eta herria girotzen joateko, Hau­rren Eguna izan zen atzo. Besteak beste, goizean, txaranga egin zuten heldu eta haurrek eta arrakasta  haundia izan zuen. Pelota eskolako gazte­txoek partiduak ere jokatu zituzten euren artean eta ondoren, bazkaria egin zuten ikastolan. 87 ume elkartu ziren.
Arratsaldean, Lastu­rre­ko xexenei desafioan ibili ziren herriko gaztetxo ba­lienteenak eta ondoren, po­niekin goza­tzeko aukera izan zuten txikienek. Indar­be­rritzeko me­rien­da ere egin zuten. Ondo­ren, saltsa ederra jarri zuen Umore Onako haurrek eta helduek nahastuta jokatu zuten futbol partiduak. Mu­sika eta dantzarik ere ez zen falta izan, Modestoren eskutik.

Festarako prest
Guztia prest dute Goizuetan jaiei ekiteko. Larunbatean hasi eta abuztuaren 18ra arte izango da zertaz gozatua. Larunbatean Gazte Eguna izango da, mahainguru, trikitilari, bazkari, batukada eta dantzaldiarekin, besteak beste. Hu­rrengo egunetarako, Ama­bir­jin bezpera, Ama­birjin Eguna, Emaku­me­en Eguna, Sagardo Egu­na eta Ezkondu eta Umore Ona Peñaren Eguna antolatu dituzte. Entzierroak, erral­doi eta buruhaundiak, txarangak, dantzaldiak, pe­lota partiduak, bertsolariak, puzgarriak, herri bazkaria, karaokea, sagardo probaketa... izango dira.