Errepikatzeko moduko udalekuak

Uztailaren 18tik 29ra, uda­leku ibiltariak izan dira 12-15 urte bitarteko gazteei zu­zen­duta. Dobera Euskara El­karteak antolatu ditu, lehenengo aldiz, Ttakun Lasar­te­ko Kultura elkartearekin eta Berbaro Durangoko elkartearekin elkarlanean eta arrakasta haundiko egitasmoa izan da, Nagore Zubeldia Do­berako arduradunaren esanetan. Hori horrela, datorren urtean ere izango dira udalekuak.
Lasarte, Durango eta Her­naniko elkarteetan izena eman­dako gazteek hartu du­te parte udaleku ibiltari haue­tan. Guztira, 92 gazte, 10 mo­nitore eta 2 sukaldari ibili di­ra. Hernanin izena eman du­tenak 26 izan dira eta horietatik 3 Billabo­na­koak ziren, 2 Do­nostiakoak eta 3 Elgoiba­rrekoak. Herna­niko begira­le­ak, berriz, hiru izan dira: Maialen Diaz de Zerio, Ane Iturbe eta Ane Iradi. Azken hori praktiketan ibili da.

Gazteen jarrera, oso ona
Uztailean protagonistarik egon bada, euria izan da eta eguraldiak asko eragin die pro­gramazioan. Dena dela, be­giraleak oso gustora dau­de uda­lekuetan bizitakoarekin: «Gaz­teak oso ondo portatu di­ra. Kristoren taldea izan da eta izugarri ondo pasa dugu nahiz eta eguraldi ona ez egin. Egu­raldi ona egin izan baligu…».
Gazteen jarrera oso ona izan dela azpimarratu diote Kro­nikari eta horren adierazle da begiraleei idatzi zieten gu­tuna. «Eguraldiarekin ge­ni­­tu­en arazoak ikusita, karta bat idatzi ziguten esanez, nahiz eta eguraldi txarra egin oso on­­do pasatzen ari zirela eta lasai egoteko. Oso emotiboa izan zen».
Begiraleek eta Doberako ar­duradunak, oso esperien­tzia positiboa izan dela azaldu du­te, gazteei begira: «Gaz­­teek sekulako harremana egin dute euren artean. Uda­lekue­tatik bueltan, hiru bat aldiz edo geratu dira dagoeneko, eta Aste Nagusirako planak egiten ere ari dira».

Bidartetik Hondarribira, etapaz etapa
Udaleku ibiltariak izenak dio­en bezala, gazteak Bidar­tetik Hondarribira joan ziren oinez, etapaz etapa.
Lehenengo egunean, Bi­dar­tetik Ziburura joan ziren. Etaparik luzeena izan zen. Gutxi gorabehera, lau orduz ibili ziren, euritan, geldialdi txiki bat eginda bakarrik. Bertan, lau gau pasa zituzten, berez, Donibane Lohi­tzu­nera joatekoak ziren bertako gazte­txean lo egitera, baina gaztetxean kontzertuak zeudela eta, ezin izan zuten. Ziburun egindako ekintza nagusia, fly-flish izan da. Itsaso zabalean, zodiak bati lotuta, kol­txoneta batean ibili ziren eta oso ondo pasa zutela diote begiraleek.
Hurrengo etapa, Ziburu­tik Urruñara izan zen. Ordu pare bat inguru ibili ziren. Urru­ñako frontoira iritsi eta bertan bazkaldu zuten. On­doren, Oihana abentura parkera joan ziren, eguraldi ona egiten zuela aprobetxatuta. Zuhaitz parkean, tirolinetan-eta ibil­tze­ko aukera izan zu­ten. Ezin­tasuna duen gazte bat ere ibili da udalekuetan eta zuhaitz parkean ibiltzeko aukera izan zuen bertako mo­nitoreekin, baita surfean ere, Hendaian. Urruñako es­ko­lan gaua pasa eta hurrengo egunean, bertso bazkaria egin zuten Sustrai Colina eta Odei Barroso Urruñako bertsolariekin.
Bazkalostean, Hendaia­ra­ko bideari ekin zioten gaz­te eta begiraleek. Kasu honetan, hirugarren etapa, arra­tsaldez egin zuten. Lau bat ordu behar izan zituzten Hen­daiara iristeko. Berez bi orduko ibilia zen, baina lo­katza eta euria tarteko, atzeratu egin ziren. Neka-neka eginda iritsi ziren denak eta afaldu eta lotara joan ziren zuzenean.
Hurrengo egunean, eguraldiak lagundu ez arren, gazte eta begiraleek euren espedizioarekin jarraitu zu­ten eta laugarren etapari ekin zioten, Hondarribiaruntz. Hon­da­rribian kanpina zuten lotarako leku, baina eguraldi ha­rekin kanpinera ezin zutela joan ikusita, alternatibak pen­tsatzen hasi ziren begiraleak. Azkenean, bilatu zuten konponbidea: Iruneko frontoian hartu zuten ostatu. Bertan, Gaubela egin zuten, besteak beste. Hurrengo egunerako ere bilatu zuten aterpea Irunen. Hain zuzen, Irungo Bentan. Bertako auzo elkarteak lekua utzi zien lotarako.
Eta azkenean, eguzkiak ateratzea erabaki zuen eta Hondarribiko kanpinera joan ziren, falta ziren egunak pasatzera. Azken egunak oso ondo pasa zituztela diote begiraleek: arropa lehortu zitzaien, hondartzara joan ziren, eguzkia hartu zuten, surfean ibili ziren... Azken hori, Hendaian egin zuten, Hondarribiatik barku batean joanda.