Buruntzaldeko Torneoko finalak jokatu ziren atzo, lau mailatan. Sorpresarik ez zen falta izan eta parditu ederrez gozatzeko aukera izan zen, orokorrean. Gainera, jokoan ziren zortzi txapeletatik bost, hernaniarrek jantzi zituzten.
Infantiletan, Oiarbide eta Arrue andoaindarrek erraz irabazi zuten: 18-2. Berez partidu parekatua aurreikusten zen, baina Loiarte eta Rodriguez hernaniarrek ez zuten ondo jokatu.
Kadete mailan, Noble eta Altuna hernaniarrek ezustekoa eman zuten Usurbilgo Ibargoien-Telleria bikoteari irabazita, 18-7.
Jubeniletan, espero bezala, Lujanbio hernaniarrak eta Elustondo berrobitarrak osatutako bikotea nagusitu zitzaien Urkizu eta Etxegoien hernaniarrei, baina ez sufritu gabe. Oso partidu ona jokatu zuten laurek eta 10garren tantora arte oso parekatuta ibili ziren.
Seniorretan, argi zegoen txapelak hernaniarrentzat izango zirela, aurrez aurre baitziren Ojuel-Aizpitarte eta Gorrotxategi-San Sebastian. Aurreikusi bezala, oso partidu parekatua izan zen, baina azkenean Ojuel eta Aizpitarte nagusitu ziren: 18-13. Gorrotxategi atzelariak Arrieta ordezkatu zuen aurrean eta sorpresa polita eman zuen gantxo eta tanto ederrak eginez. Partidu ona jokatu zuten laurek eta gozatzeko aukera izan zuten pelotazaleek.
Ioritz Arrieta Getariko Torneoko finalean, gaur
Ioritz Arrieta hernaniarrak, senior mailan, Getariko Torneoko finala jokatuko du gaur, Arrasateko Bolinaga pelotariarekin. Aurrez aurre izango dituzte Etxaniz eta Aizpurua azpeitiarrak. Finalak 17:30etan hasiko dira eta hernaniarrarena hirugarren partidua izango da.
Sorpresak eta partidu ederrak torneoko onenen artean
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!