AMAIUR herrian hasi eta Zugarramurdi, Urdazubi eta Lapurdi pasata, Oiartzundik iritsiko da Goizuetara gaur, Euskal Selekzioaren aldeko mendi martxa, urterokoa. Arratsaldeko 17:00-17:30ak aldera iritsiko dira ESAITeko 80 bat mendizaleak Goizuetara, eta ongi etorria egiteko dena prest dute, bertako herritarrek.
Udaleko arduradunek egingo diete ongi etorri formala, eta Euskal Selekzioaren aldeko manifestua irakurriko dute. Bertan izango dira, baita ere, Goizuetako kirolari profesionak; bost pelotari, hain zuzen: Bakero ahizpak, Olaizola anaiak, eta Jon Apezetxea. Jokoak egingo dituzte, denak batera, eta ondoren, herri bazkaria antolatu dute. 130 lagun inguru elkartuko dira, bertan.
Amabirjin jaien preludioa igandean, haurrek
Festak gainean dituzte Goizuetan, eta igande honetan emango diote hasiera haurrek, urtero bezala. Meza, pilota partiduak, bazkaria, xexenak eta poniak, berendua, futbolean haurrak eta helduak, eta dantzaldia Modesto taldearekin. Haurrek lehenengo pausoa emanda, Amabirjinak abuztuaren 13an hasiko dituzte Goizuetan, larunbatarekin.