UTERGAK momentuko bost erremontista onenekin jokatuko du Banakako Txapelketa Nagusia, Kutxa Saria: Urriza, Urrutia I, Zeberio II, San Miguel eta Ezkurrarekin. Kutxa Sariko prebiaren finala jokatu zuen atzo Galarretan, Matxin IVren kontra, eta katedrak eta apustuek aurreikusi bezala, erraz gailendu zen: 30-21.
Uterga 3-0 galtzen hasi bazen ere, berehala eman zion buelta partiduari eta 10-4 eta 20-7ko partzialak egin zituen, partidua ia erabakita utzita. Utergak ondo sakatu zuen, eta Matxin IVa ez zen fin ibili, batez ere partiduko aurreneko zatian. Matxinek, partiduaren erdialdera izan zuen berdintzeko aukera, 26-20 gerturatuta, baina garaipena Doneztebekoarentzat izan zen. Hala, Banakakoa jokatzeko pasea 30-21 irabazita lortu zuen.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!