Iñaki Esnal txapeldun, Villabonan

Lasarteko Elolarekin batera, Villabonako Torneoko txapela jantzi zuen larunbatean Iñaki Esnal pelotari hernaniarrak. 22-9 nagusitu ziren Lizaso eta Altunaren kontra. Partidua oso berdindua izan zen 8nako berdinketa arte, eta handik aurrera, aurkariek ezin izan zuten ezer egin Esnalen erakustaldiaren aurrean: sakean eta errematean bikain aritu zen pelotari hernaniarra. Partidua bukatuta, txapeldunaren saria jasotzeaz gain, torneoko pelotari onenarena ere jaso zuen Esnalek.