IRITSI da egun haundia Kutxa Sariko prebia jokatzen ari diren Matxin IV eta Utergarentzat: finala. Gaur 30 tantutara iristen denak erremonteko txapelketa haundiena jokatzeko aukera izango du, banakakoa. Partidua Galarretan jokatuko da, eta 16:00etan hasiko den jaialdiko bigarrena izango da.
Uterga, faborito
Uterga da gaurko faboritoa katedrarentzat, ohituta baitago estelarrak jokatzera; Matxin IVak ordea, hirugarren eta laugarren partiduak jokatzen ditu gehiago. Forma onean iritsi izanak ere egiten du faborito, nahiz eta gaurkoan, duen guztia eman beharko duen Matxin IVari irabazteko.