Festa eta giro aparta emana dago, bihar, San Inazioetarako

santa Barbaran, fes­ta egun aparta jarri du­te biharko, San Ina­zioak direla eta. Jende asko igoko da goizean goizetik Hernaniko men­di ezagunera, herri kirolek izango dute protagonismoa, beste behin ere. Beteranoak eta gazteak animatu dira festa jartzeko, eta bai bertsotan eta bai herri kiroletan, aurpegi ezagunak eta ez hain ezagunak ikusiko dira: Antton Garin, Agin Rezola, Beñat Gaztelumendi eta Eli Pagola gazteak kantatuko dute goizeko 11:00etan, eta bazkalostean. Herri kiroletan berriz, beteranoenak aizkoran ariko dira: Larrabide eta Imanol Paolla, Larra eta Arretxeren kontra. Txingekin, Mikel Az­ko­neta urnietarra eta Joxe Mari Miñei astigartarra. Lehenengo aldiz plazara aterako direnak, berriz, harri jasotzaileak, 14 urtekoak: Suharri Paolla, eta Jon Elutxeta, 50 kiloko harriarekin, 5 minutuz ariko dira. Bertsolariak 11:00etan; meza 12:00etan; herri kirolak 13:00ean; bertso bazkaria, 14:00etan; umeen jolasak, 17:00etan; toka, 16:30ak aldera; eta erromeria, 18:00etan.