Barruko bidea berreskuratzeko asmotan, Hernanin izan zen atzo Done Jakue bideko erromes talde bat

ongi-etorria jaso zuten atzo Done Jakue bidea egiten ari diren 40 lagunek, Hernanin. Irundik atera eta Harora bi­deko ibilaldia egiten ari dira, eta atzo pasa ziren Her­nanitik. Ibilbidea San­tiago Bidearen Lagunen El­karteak antolatu du eta helburua da Santiago Bideko barruko bidea berreskuratzea. Erro­mes taldeak asteazkenean hasi zuen ibilbidea Irundik, eta egun horretan Asti­garragara iritsi ziren. Atzo Astigarragatik An­doainerako bidea zuten egitekoa, eta tartean, Hernanitik pasa ziren. Goizeko 09:30ak aldera iri­tsi ziren Plazara, eta 10:00etan, Udaleko Turismo teknikariak ongi-etorria egin zien. On­doren, San Joan Bataiatzai­learen parroki aurrean argazkia atera, eta Aperribai parrokoak elizaren inguruan eman zizkien azalpenak entzun zituzten. Azalpenak entzunda, Pleno aretoan elkartu ziren, eta bertan, Luis Intxauspe alkateak egin zien harrera: «Hernaniko Udalak bere babesa eman nahi dizue barruko bidea berreskuratzeko egiten ari zareten ahalegin honetan, ongi-etorri». Ekitaldi bukaeran, erromes taldeak Santiago bideko anagrama utzi zuen U­d­a­lean, eta Hernaniko Udalak oroigarri bana eman zien, herria gogoratu zezaten.