Eraikin berria institutuarentzat, Santa Barbaran

INSTITUTUARENTZAT edifizio berria egiteko bidean, pauso garran­tzitsua eman zuten astearteko Plenoan. Bertan, Udalak lur zati bat Eusko Jaur­laritzari eman zion, eraikina egiteko. Institutu berria Santa Barbaran eraikiko da, Alberroko aldapa ondoko baratzetan, egungo Her­nani institutua eta Lan­gi­leko edifizioen atzekaldean. Orain, Eusko Jaurlaritzaren esku dago noiz hasi Ins­titutu berria egiten.

Fusioko bigarren urtea, irailetik aurrera
2010-2011 ikasturtean fusionatu ziren Hernaniko hiru ikastolak eta Hernani Ins­titutua, eta ikasturte horretan aurreneko aldiz, Hernaniko 126 ikaslek ikastetxe berean egin zuten DBH 1 maila. Fusioa pixkanaka egingo da, eta irailean, ikasturte berria hasten denean bi maila egongo dira fusionatuta: DBH 1 eta DBH 2. Edifizio berria egin arte, Hernani Institutuko betiko eraikinean daude: DBHko bi kur­tso hauek, eta Ba­txilergokoak. Hain zuzen, gai hori da Her­naniko Institutua gehien preokupatzen duena. Izan ere, DBHko lau kurtsoak fusiona­tzen direnean (bi urte barru), ezinezkoa izango baita edifizio bakarrean egotea DBHko 4 kur­tsoak eta Ba­txi­lergoko 2ak.

Zortzi kide, Ongintzako Zuzendaritza Batzordean
Atzoko Plenoak erabaki zuen, baita ere, Ongintzako Zuzen­da­ritza Batzordea zeinek osa­tzen duten. Zazpi ordezkari Uda­lekoak izango dira: Bildu: Glori Men­­dinueta, Idurre Konde, Iker Goenaga, Naiara San­chiz; PSE-EE: Jose Perez; EAJ-PNV: Andoni Amo­na­rraiz; eta H1: Iñaki Arratibel. Eta bat herritarren ordezkaria izan­go da: Txa­ro Etxarri. Ju­bilatuen Etxeak aurkeztu zuen Txaro Etxarri ordezkari gisa, eta Zuzendaritza Ba­tzordeak lehendabizi, eta Ple­noak on­doren, onartu zuten.
Ongintzako Zuzendaritza Batzordearen bete beharretako bat da, Patronatuari dagozkion erabakiak hartzea, horretarako eskumena baitu. Hala ere, badira erabaki batzuk Plenotik pasa behar dutenak. yy