Euripean agurtu dituzte festak, datorren urtera arte

Bukatu dira Santio festak Arano eta Astigarragan, bazkari eta bertso saioarekin au­rre­nekoak, eta Gazte Asan­bladaren ekitaldiarekin bigarrenak. Euriak nahi baino protagonismo haundiagoa izan du aurten bi herrietan, baina festa giroa ez da falta izan. Astigarragan Santa Ana egun haundiarekin agurtu zituzten atzo festak, herri kirol, bertsolari eta azokarekin, besteak beste. Aranon bertan behera geratu ziren atzo ere pelota partiduak, baina bazkariaren bueltan ederki pasatu zuten. Irailean ziurrenik, izango dute bertan behera utzitako guztia ospatzeko aukera: pelota partiduak, bertsolariak, herri kirolak... horretan ari dira lanean.