2011-2012 ikasturterako lanean ari da AEK, Zilegi Eskolak antolatzen. Ohi bezala, Hernanin eta Astigarragan izango dira saioak, eta Urnietara zabaltzeko asmoa ere badute. Horrez gain, saio berriak antolatzea ere aurreikusi dute: bertsolaritza, magia, apikultura, informatika, internet eta haurren edukiak, esaterako.
«Eskerrik asko egitasmoan parte hartu duten guztiei»
Bukatu berri den ikasturtean, AEKk Zilegi Eskolako 15 saio eskaini ditu, hala nola, makillajea, gantxilloa, dantza, sendabelarrak... Zilegi Eskolak eskerrak eman nahi dizkie parte hartu duten ikasle, herritar eta gai-emaile guztiei, eta datorren ikasturtean ere parte hartzera gonbidatu dituzte. Datorren ikasturtea bitartean, norbaitek berri zehatzagoren bat nahi balu, zilegieskola@aek.org helbidera idatzi dezake.