HIRU egun festa giroan murgilduta egon ostean, gaur agurtuko dituzte aurtengo Santio Jaiak Aranon.
Atzo ez zuten festetaz gozatzeko nahi adina aukera izan, eguraldi txarra medio, pelota partiduak eta herri kirolak bertan behera utzi baitzituzten. Hala ere, festa giroa ez zen faltatu Aranon, eta gaur izango da errematea emateko aukera, jubilatuen egunean.
Goizeko 11:00etan meza izango da, eta ondoren, hamaiketakoan elkartuko dira heritarrak. 13:00etan, pelota partiduan, Lujanbio eta Etxegoienek jokatuko dute, Urkizu eta Murgiondoren kontra. Eta festak bukatzeko, Santa Ana eta San Juakin izaki, jubilatuen bazkaria antolatu dute. Bazkalostean gainera, Lazkano eta Legarreta ariko dira bertsotan, eta Jexux jazbanarekin.
Uztailak 26, asteartia
11:00 Meza.
Ondorian Hamaiketakua.
13:00 Pelota partiduak afizionatun artian: Lujanbio-Etxegoien ta Urkizu-Murgiondo.
14:00 Jubilatun bazkaria: Imanol Lazkano ta Xabier Legarreta bertsolarikin, ta Jexuxen jazbanakin.