iritsi da Astigarragako festetako egun haundia, eta era berean azken eguna: Santa Ana. Iturengo joaldunek esnatuko dituzte goizeko 10:00etan astigartarrak. Gosaldu ostean, Foru plazan elkartuko dira bertako eta inguruko herrietatik gerturatuko diren hainbat lagun. Bertan izango dira eguneko ekitaldi nagusiak goiz eta arratsalde. 11:00etan hasita izango dira baserriko langintzen erakusketa, sagardo dastaketa, Mendiluze eta Maia bertsolariak, eta idi dema 1.700 kiloko harriarekin. Arratsaldean berriz, herri kirolak izango dira protagonista: Astigarragako baserritar heldu eta gazteen arteko desafioa antolatu dute batetik; eta herriko bi taldeen arteko uztarri motzeko idi-apustua bestetik. Foru plazako ekitaldiez gain, umeentzako zirku ikuskizuna, elkartasun bazkaria eta ekitaldia, erromeria, eta pintxo dastaketa ere izango dira gaur. Festak 01:00etan bukatuko dira, Gazte Asanbladak antolatutako ekitaldiarekin.
Uztailak 26, asteartea
10:00 Iturengo Joaldunak.
11:00 Musika eskolako Trikitilari Gazteen Kalejira.
Santa Ana eguneko ospakizunak Foru plazan.
-11:00 Baserriko langintzen Artisau-Erakusketa: kaikuak, sendabelarrak, artilea, zintzarriak...
-11:30 Sagardo Dastaketa.
-12:00 Bertsolariak: Aitor Mendiluze eta Jon Maia.
-12:00 Idi Dema: bi idi pare elkarren aurka, 1.700 kg-ko harriari tiraka.
14:30 Elkartasun-bazkaria txosnetan. Txartelak salgai, Zipotzan.
18:00 Herri Kirolak Foru plazan: Astigarragako baserritar heldu eta herriko gazteen arteko desafioa eta herriko bi taldeen arteko uztarri motzeko idi-apustua.
18:30 Circ Panic zirku ikuskizuna, akrobaziak, umorea eta dantza Joseba Barandiaran plazan (euria bada, kiroldegian).
19:00 Elkartasun-ekitaldia txosnetan, Gazte Asanbladak antolatuta.
19:30 Musika eskolako Trikitilari Gazteen Erromeria, Foru plazan.
20:00 Xaibor DJ-a Joseba Barandiaran plazan.
20:00 Eusko Labeldun Hegaluze Pintxoak eta Gernikako Piperrak parrilan erreta Pilotari kalean (euria bada, frontoian).
23:00 Los Funebres su-kalejira. Abiapuntua: Kale Nagusia-Galtzaur.
01:00 Gazte Asanbladak antolatutako jai-amaiera txosnetan.