Herri kirolak eta bertso saioa gaur

Santio eguna ospatuko dute gaur, Aranon, festetan. Goizean meza eta pelota partiduak dituzte, eta arratsaldean, herri kirolak eta bertso jaialdia: Arzallus, Lujanbio, Agirre eta Soto ariko dira. Herenegun mus eta pelota txapelketak jokatu ziren urteroko gisan. Musean txapeldun: Iñaki eta Manueltxo; bigarren: Migel eta Txurri; hirugarren, Fermin eta Josetxo; eta laugarren: Iñaki eta Aimar. Pelotan, bigarren urtez jarraian irabazi zuten Aihekok eta Pablok, 22-8, Eztebe eta Jon Anderren kontra. Hirugarren eta laugarren posturako partidua Unaik eta Txapartegik irabazi zuten, 22-21, Ruiz eta Agi­rre­ren kontra.