Peru Alfaro hernaniarrak pixka bat urrutiago ikusten du Finlandian jokatuko den Europako Triatloi Txapelketa (abuztuak 21), atzo galdu baitzuen aukera plaza bat lortzeko. Atzo irabazi beharra zeukan, Gasteizen jokatu zen Espainiako Txapelketan. Ez zuen ordea gorputzaldi onena, eta erretiratu egin behar izan zuen. Ondorioz, Espainiako Federazioak Europarako dituen hiru txarteletatik bigarrena galdu zuen. Hirugarren plaza bat badago, dena dela. Eneko Llanos iazko Europako Txapeldunak ez du aurten asmorik Finlandiara joateko, eta haren plaza bakante geratu da. Horrek esan nahi du, federazioak Alfarori eman diezaiokeela, hernaniarrak sobera demostratu duelako, Europako onenen artean dagoela.
Saihets bat hautsita
Alfarok ez du sasoirik onenean konpetitu Gasteizen. Izan ere, saihets bat hautsi zuen orain dela 3 aste, eta entrenatu ezinda ibili da. Gasteizen erretiratu egin behar izan du, eta hori primeran aprobetxatu du, Mikel Blanchar-ek, atzoko irabazleak. Berak lortu du Europako Txapelketarako txartela, Clemente Alonsorekin batera.