Hernani eta Donostiako Alkateak Kutxa Ekogunean (lehengo Zabalegi) izan ziren joan den ostegunean, eta bertan Kutxa Fundazioak zein asmo dituen azaldu zieten, arduradunek. Ekogunea Donostia eta Hernaniko lurretan dago, eta 2014an irekiko dute.
Ireki bitartean, prestatze-lanetan ari dira, eta proiektu asko dituzte eskuartean, «batzuk interesgarriak», Luis Intxauspe Hernaniko Alkateak Kronikari esan dionez. «Baratzeen proiektua, olioa berrerabiltzekoa, Ekolapikoa, Ekobira... Begiratu eta ikusi egin behar ditugu, baina lauzpabost proiektu interesatu zaizkigu. Uda-ostean lasaiago aztertuko ditugu».