Atzo jokatu zuten Matxin IV eta Agirrezabalak Kutxa 2011 Torneoko aurrekanporaketako finalerdietako partidua. Nahiz eta biak lehengusuak izan, ez zioten elkarri barkatu, eta norgehiagokan, Matxin VI izan zen garaile, 30-27. Beraz, azkoitiarrak jokatuko du aurrekanporaketako finala.
Matxin VIk oso partidu ona egin zuen eta Agirrezabalak baino errekurtso hobeak zituela erakutsita lortu zuen finalerako txartela partidu luze eta gogorraren ondoren. Partidu hobea egin zuen, eta pelota hobeto jartzen asmatu zuen, nahiz eta bukaeran markadorea pixka bat konplikatu zitzaion.
Partidu berdindua hasieran eta urduritasuna nabarmen bukaeran
Partidua nahiko berdinduta hasi zen, lehenengo hamalau tantoetan zazpi aldiz berdindu zuten markagailuan bi pelotariek. Honela, Matxin VIk 15-8 eta 19-10 aldegin zuen. Agirrezabalak lau tantu segidan sakez lortu zituen eta 27-24akin Matxin IV urduri jartzea lortu zuen. Emozioz beteriko bukaera izan zen, 29-26 Matxin VIaren alde, pelota txapara, eta 29-27 hurbildu zitzaion Agirrezabala. Azkenean, ordubeteko partiduaren ostean, eta Matxin IVaren bipareta batekin, Matxin IV aurrekanporaketako finalean izango da.
Partiduak, Galarretan
Uztailak 23, larunbata
1- Matxin VI-Zubiri/UrrutiaII-Barrenetxea IV (35 tantora)
2- Zeberio II-Etxeberria III / Juaristi-Urrutia I (40 tantora)
3- Etxabe II-Lizaso / Endika-Ion
(40 tantora)
4- Oñatz-Olazar / Zulaika-Gaztelu
(30 tantora)
Uztailak 25, astelehena
1- Etxabe II-Barrenetxea IV / Oñatz-Zubizarreta (35 tantora)
2- Uterga / Urtasun (30 tantora)
3- Ezkurra-Etxeberria III / Urriza- San Miguel (40 tantora)
4- Matxin III-Zubiri / Zulaika-Urko
(30 tantora)