Arkaitz Etxarri hernaniarrak ‘sorpresa’ eman du Euskadikoan

TXANTXANGORRI elkarteko Arkaitz Etxarri gazteak sorpresa ederra eman du aurten, Arrastoko Basurde Txa­kurren Txapelketan. Gipuz­koako 7 onenen artean geratu da, eta Euskadiko 4 onenen artean; ondorioz, Espai­niako Txapelketan neurtuko da, espezialista haundien kon­tra, uztailaren 30ean, Asturiasen.

Lehenengo urtea, eta lehenengoen artean
Ez da makala Epeleko ehiztariak egin duena. Lehen­da­biziko aldiz parte hartu du txapelketa honetan, eta goiko muturrean ibiltzea lor­tu du, bere Sabueso gaztearen laguntzarekin.
Gipuzkoako Txapelketan hasi zuen ibilbidea. Bertan, 26 ehiztari elkartu ziren, eta 7 onenak pasa ziren Euska­di­ko Txapelketara. Murgian jokatu zen Euskadikoa, eta Gi­puz­koa, Bizkaia eta Ara­bako
17 ehiztari bildu ziren bertan. Handik, 4 onenenek beste pau­so bat eman zuten, eta Es­pai­niako Txapelketan izan­go dira, uztailaren 30ean, Astu­ria­sen. Txantxangorri elkarteko kidea bertan izango da, eta elkartetik animoak eman nahi dizkiote Etxarriri.

Modalitate berria
Txantxangorri elkarteak Kronikari jakinarazi dionez, modalitate berria da hau. Arrastoko basurde txakurren lehiaketak oraintxe gu­txi hasi dira, eta oraingoz, arrakasta izan dute.
Txan­txangorrik animatu egin nahi ditu Hernani eta inguruko ehiztariak, modalitate honetan parte hartzera, zale asko dagoela badakitelako. Nahi duenak, aukera dauka elkartetik pasatzeko, eta Arkaitzek berak erakutsiko omen dizkiete sekretu guztiak, halako emaitzak lortzeko.