bixente Zaraguetak jasoko du Kaxkoko alkate-makila, gaur, Maitere Azurmendiren eskutik. Arduradunek azaldu dutenez, urtebetez alkate izateko ohorea izango du Zaraguetak, «dijoan leku guztietara eramaten duelako Hernaniren izena, eta harrotasunez egin duelako Hernaniko enbajadore lana. Hori, eta, herriko festa guztietan etxea dekoratu, erakutsi, eta jai-giroan izan duen parte hartzeagatik...».
«Beti Hernanin sartuta egoten naiz»
Bixente Zaraguetak Kronikari adierazi dionez, benetan harro hartuko du gaur, alkate-makila, Hernani oso berezia delako berarentzat. «Pasioa daukat Hernanirekin. Beti hantxe sartuta egoten naiz. Momentu on eta txar guztietan. Eta ni, bat gehiago izan, eta herritarrak nitaz gogoratu badira... ba, sekulako orgulloa da neretzat; benetan harro sentitzen naiz. Ez ni bakarrik, Hernanin izango gara emaztea, alaba eta familiako gehiago ere».
Pake garaiak direla eta, Zaraguetak dio momentu interesgarria dela hau eta horri buruz hitz batzuk egin nahi omen dituela: «Pake garaia da; pake garaia eta barkatzeko garaia. Herri bat zatituta eta haserre dagoenean zail da aurrera begiratzen, eta orain, momentu ezin-hobean gaude elkarri barkatzeko, eta pakean, aurrera egiteko».
Alkate-makila eskuz aldatzea Zaragueta etxe parean egingo da, eguerdian. yy