Bukatu dira San Ferminak Martindegi auzoan, eta inongo inbidiarik gabekoak joan dira, beste behin ere. Jende asko ibili da bai egunez eta bai gauez, eta sagardo probaketak eta herri kirolek jendetza bildu dute, xexen eta pottokek bezala.
Abere Dema, Paollarentzat
3 metro exkaxegatik irabazi zuen Paollak Abere Dema, Spirit zaldiarekin. Emozio haundia, gaueko 23:00etan. Azkonetaren Zaori zaldiak 84 plaza egin zituen, 30 minutuan. Paolla ez zen ondo hasi, kabillak neurrian jartzen minututik gora galdu zuen... baina hasi bazen, hasi zen. Ia etenik gabe, minutuko hiru plazako erritmoan, distantzia janez joan zen. Ez zion hutsik egin Spirit-ek, sei urte, eta 523 kiloko abereak. 35 segundu faltan egin zuen 84garrena. Buelta hartu, hiru metro egin, eta kitto. Saria, Iretzaren eskutik, berarentzat; txaloak berari, zaldiari, eta bi laguntzaileei: Toloxa eta Txintxua.
200 kg, esku bakarrarekin
Iñaxiok 200 kiloko harria jaso zuen igandean, esku bakarrarekin. Aitak eta biak ikuskizun ederra eman zuten. Arrospidek irabazi zuen aizkora apustua, Paolla eta Larraren kontra. Trikitixa txapelketa, Ander Beldarrain eta Maria Lasarentzat; eta Patata Tortilla onena... Bakarne Atxagak!
Inongo inbidiarik gabe, aurten ere
Herri kirolek pixu haundia izan dute aurten ere Martindegiko festetan. Paollak irabazi zuen Abere Dema, eta Arrospidek aizkoran.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!