UZTAILEAN zehar, bailarako pelotariak elkarren kontra ariko dira, Buruntzaldeko Txapelketaren barruan. Joan den astean hasi zuten txapelketa, eta Hernanik partidu bat irabazi zuen (Etxenike-Otañok 18-9, jubeniletan), eta bat galdu (Iglesias-Cisnerosek 14-18, infantiletan).
Lau partidu, eta Hernaniko bikote bat, gaur
Gaur ere lau partidu jokatuko dira, Hernaniko kiroldegian, 15:00etatik aurrera. Hirugarren partiduan, kadete mailan, Etxenike IIa eta Prieto hernaniarrak jokatuko dute, Bandres eta Arizkorreta Alde Zaharrekoen kontra.
Beste partiduak, hauek: infantiletan, Lasarte-Usurbil; kadeteetan, Urnieta-Añorga; eta jubeniletan, Andoain-Usurbil; orden horretan. Tartean, Hernanik eta Alde Zaharrak jokatuko dute.