gazteek eta ez hain gazteek jantzi zituzten zapi gorriak atzo, Hernanin, bai Kaxkoan, eta bai Martindegi auzoan. Udalekuetako umeek entzierro berezia eta ia-ia Iruñan bezain jendetsua egin zuten, Gudarien plazan. Martindegin, auzoko jaiei hasiera eman zioten, meza jendetsuarekin, umeentzako jolasekin, eta auzo-afariarekin. Gaur, Martindegin izango dute segida, arratsaldean.
Udalekuak, bete-betean
Urteroko ohitura bihurtu da San Ferminetako entzierroa, Udaleku irekietan. Atzo ere egin zuten, eta aurretik, Peñen desfilea eta Blusak izan zituzten. Gaur ere festa kontuan ariko dira, Euskal Herriko festen mapa osatuko baitute. Horrez gain, erromeria ere badute.
Patata tortila eta sagardoa, ‘afari-meriendarako’
Martindegin gaur arratsaldean segiko diote San Ferminei. Kalejira auzoan zehar egin, haurrentzako jolasak, eta afari-meriendarako prestatuko dira: Patata Tortila Lehiaketa dute 19:30etan, eta Sagardo Probaketa mundiala, auzoko eta inguruko 12 sagardorekin.
Triki Take taldeak emango dio egunari bukaera.
MARTINDEGIN
Uztailak 8, ostirala
17:00: Kalejira auzoan zehar.
17:30: Haur jolasak.
18:00: Altxorraren bila.
19:30: Patata tortila lehiaketa. (Sansonategi jatetxeak babestua).
20:30: Sagardo dastaketa mundiala: Zelaia, Oialume Zar, Oiarbide, Sarasola, Mendizabal, Etxeberria, Larrarte, Gurutzeta, Petritegi,
Larre Gain, Iretza, Artola.
23:30: Dantzaldia ‘Triki Take’ taldearekin. Atsedenaldian gau jolasak.