Victor Fernandez lehenengo hernaniarra, eta 20 onenen artean

Txantxangorri elkarteak antolatuta, itsas arrantza txapelketa jokatu zen joan den asteburuan, Gipuzkoako elkarteen artean. 156 arrantzale izan ziren bertan, eta 20 onenen artean, Top 20, Txantxangorriko Victor M. Fernandez, 468 gramoko karraspioarekin (durdoa). Hurrengo hernaniarra, Francisco Vilchez izan zen, 32garren lekuan; hirugarren hernaniarra, 44garren lekuan, Juan Daniel Calvo. Irabazlea, David Pousa izan zen, Pasai Donibaneko Izkiro elkartekoa, 2.636 gramo osatuta, hainbat arrairekin. Bederatzi urte dira Txantxangorrik txapelketa hau antolatzen duela. Aurten, Donostiako Paseo Berrian egin dute txapelketa.